1, 2 og Breiðholt

1, 2 og Reykjavík eða 1, 2 og Breiðholt eins og við íbúar í Breiðholti viljum segja  (http://12og.reykjavik.is/Frontpage.aspx) er nýr vefur á vegum Reykjavíkurborgar sem gefur íbúum Reykjavíkur færi á að koma með ábendingar um eitt og annað sem betur mætti fara í hverfum borgarinnar.  Vefurinn er eins konar gagnabanki ábendinga er varða hverfi Reykjavíkurborgar.

Kynning á vefnum fór fram á fundi í Þjónustumiðstöðvar Breiðholts í Mjódd í dag 13. mars kl. 3.  Þorsteinn Hjartarson, framkvæmdarstjóri Þjónustumiðstöðvarinnar kynnti vefinn og sýndi gestum fundarins hvernig hann væri notaður.

Verkefni 1, 2 og Reykjavík er hugsað þannig að allir þeir sem hafa áhuga á að bæta hverfið sitt eru hvattir til að láta til sín taka með því að fara inn á ábendingarvefinn og skrá ábendingu eða taka afstöðu til ábendinga sem þegar hafa verið skráðar. 

Margir Breiðhyltingar eru þeirrar skoðunar að eitt og annað, smátt sem stórt hafi orðið út undan í viðhaldi í gegnum árin.  Á fundinum kom t.d. fram hinn mikli bílastæðavandi í Mjóddinni sem hefur áhrif á að minni eftirspurn er eftir verslunarhúsnæði í verslunarmiðstöðinni.
Rætt var um slæmt ástand í kringum ÍR svæðið en þar skortir t.d.  lýsingu á vetrum. Göngustígar í neðra Breiðholti eru úr sér gengnir og sama má segja um suma göngustíga í efra Breiðholti. Tekið var dæmi um veggjakort sem víða má sjá svo ekki sé minnst á skólalóð Seljaskóla en hún er engan veginn boðleg börnum né örugg þar sem akstur er mögulegur á lóðinni og í kringum skólann. 

Svona mætti lengi telja. Íbúasamtökin Betra Breiðholt hvetur íbúa Breiðholts að fara inn á ábendingavefinn, velja Breiðholt og koma með ábendingar sem brenna á. Hér er um að ræða gott tækifæri sem enginn ábyrgur íbúi þarf að láta fram hjá sér fara. 

Borgarstjórn hefur sagt að allar ábendingar verði skoðaðar, flokkaðar og þeim svarað innan ákveðins tíma. Fyrir þá sem ekki hafa aðgang að tölvu er hægt að senda inn efni/ábendingar beint á Stýrihóp 1, 2 og Breiðholt, Álfabakka 12, 109 Reykjavík.  Einnig er hægt að hringja í Þjónustumiðstöðina og biðja starfsmenn hennar að koma ábendingum áleiðis. Afar mikilvægt er að allir geti nýtt þetta tækifæri til að láta rödd sína heyrast.

Þann 12. apríl næstkomandi gefst íbúum kostur á að skoða innsendar hugmyndir/ábendingar, taka þátt í umræðum um þær og forgangsröðun.  Borgarstjóri mun ávarpa fundinn.

Útibú Alþjóðahússins í Breiðholti?

Hugsast getur að í deiglunni sé að gera þjónustusamning milli Reykjavíkurborgar og Alþjóðahúss þar sem kveður á um að stofnað verði útibú Alþjóðahússins í Fellahverfi í Breiðholtinu,
(sjá frétt í Mbl. frá 29. mars).

Hugmyndin er, ef að verður, að ráða einn starfsmann í starf verkefnisstjóra sem hafi aðstöðu í nokkurs konar félagsmiðstöð sem verður opin á virkum dögum frá 17-21. Þar yrði t.d. hægt að halda námskeið, vera með klúbbastarf svo fátt eitt sé nefnt. 

Meðal verkefnis verkefnastjórans yrði að efla grasrótarstarfið í hverfinu og virkja fólk af erlendum uppruna til að taka meiri þátt í samfélaginu. Að sögn Einars Skúlasonar, framkvæmdarstjóra Alþjóðahúss er hugmyndin að vinna í nánu samstarfi við íþróttafélögin í hverfinu, skóla og leikskóla.

Það er staðreynd að í Efra-Breiðholti er hátt hlutfall erlendra borgara. Með þessu verkefni fer starfsemi Alþjóðahússins inn í hverfið á forsendum hverfisins.

Íþróttamál í Breiðholti

Árum saman hafa íbúar í Breiðholtinu reynt að ná eyrum borgaryfirvalda hvað betur mætti fara á sviði íþróttamála í Breiðholti.

Á stjórnarfundi Íbúasamtaka Betra Breiðholts sem haldinn var í síðustu viku voru þessi mál rædd. Þar kom fram hversu mikil aukning hafi orðið á þátttöku barna t.d. hjá Íþróttafélaginu Leikni eftir að frístundarkortin tóku gildi.

Samhliða slíkri aukning er mikilvægt að endurskoða starfssemina og reksturinn.
Íþróttafélagið Leiknir hefur sem dæmi ekki haft neinn starfsmann um borð og nú þegar þátttaka hefur aukist er orðið brýnt að ráðinn verði íþróttafulltrúi til félagsins til jafnræðis við önnur félög.

Bílum lagt ólöglega við Engjaselið og Seljabraut.

Það hefur verið haft samband við stjórn Íbúasamtakanna vegna þess að bifreiðum er lagt á grasi og víða þar sem ekki á að leggja við Engjasel og Seljabraut. Þetta segir okkur að skortur er á bílastæðum. Íbúar hafa reynt að fá bifreiðir fjarlægðar á þessu svæði þar sem grasið verður að drullu en það hefur ekki borið árangur. Það vill enginn taka það að sér. Þá er spurningin. Hvernig eiga íbúar að bregðast við ef ekki er hægt að leggja heima hjá sér? Það hefur ekki verið tekið á því. Hvernig eiga íbúar að bregðast við ef ólöglega er lagt? Lögreglan segir ekki ég!

Mislæg gatna mót á Bústaðaveg (Breiðholtsblaðið des 2007)

Stjórn íbúasamtakanna Betra Breiðholts telur að endurhanna
verði þau mislægu gatnamót sem gert var ráð fyrir að byggja á mótum
Bústaðavegar og Reykjanesbrautar og bjóða framkvæmd þeirra síðan
út hið fyrsta. Stjórnin telur að færa eigi gatnamótin aðeins í vestur frá
núverandi stað því að með þeirri tilfærslu megi komast hjá því að skerða
grænu svæðin í Elliðaárdal. Þetta kom m.a. fram á blaðamanna fundi
sem samtökin efndu til sl. föstudag. Íbúasamtökin Betra Breiðholt
hafa lengi haft gerð þessara mislægu gatnamóta á stefnuskrá sinni en hafa
nú ákveðið að herða baráttuna fyrir þessari framkvæmd. Rökin fyrir því
eru einkum þau að ljósastýrð umferð af Bústaðavegiinn á Reykjanesbraut
tefji mjög umferð um Reykjanesbrautina og lengi ferðatíma íbúa Breiðholtsins
verulega. Dæmi um óþarf legalangan ferða tíma megi nefna að allt
að 30 mínútur geti tekið að fara frá Breiðholtinu niður í Kvos í miðborginni
á annatímum kvölds og morgna og ástandið fari stöðugt versnandi. Í
tilefni af umferðaviku tók stjórn íbúasamtakanna ákvörðun um að skora á
borgarráð og borgar stjórn að bjóða út gerðmis lægra gatna móta en í
september sl. hafi stjórnarmönn um Betra Breiðholts borist til eyrna að
ekki væri útlit fyrir að ráðist yrði í gerð þeirra í bráð. Á fundi stjórnar
Betra Breiðholts með fréttamönnum kom einnig fram að gerð mislægra
gatnamóta á þess um stað myndi draga verulega úr umferðarslysum.
Aftanákeyrslum hafi fjölgað umtalsvert á þess um gatnamótum sem og
lausagangur bifreiða sem standi við rauð ljós valdi umtalsverðri mengun.
Þá hafi hluti Reykjanesbrautar sunnan Breiðholts verið breikkaður og
valdi það ásamt stóraukinni atvinnustarfsemi í austan verðum Kópavogi
og í Garðabæ vaxandi umferð um nyrðri hluta Reykjanes brautar sem
bitni verulega á íbúum Breiðholtsins.

Talið að umferð um Réttarholtsveg aukist um 10%

Föstudaginn 18. janúar, 2008 - Innlendar fréttir

Eftir Steinþór Guðbjartsson

[e-mail]

HUGSANLEGA verður vinstri beygju af Bústaðavegi norður Reykjanesbraut lokað í vor og lokið við mótvægisaðgerðir á Réttarholtsvegi í lok ársins, að sögn Þorleifs Gunnlaugssonar, formanns umhverfissviðs Reykjavíkurborgar. Hann segir ennfremur, að talið sé að lokun vinstri beygjunnar auki umferðina um Réttarholtsveg frá Bústaðavegi um að minnsta kosti 10%.

Á fjárhagsáætlun 2008

Í fjárhagsáætlun Reykjavíkurborgar fyrir 2008 er gert ráð fyrir framkvæmdum við að loka vinstri beygju frá Bústaðavegi norður Reykjanesbraut og fara í mótvægisaðgerðir við Réttarholtsveg.

Þorleifur segir að mótvægisaðgerðirnar feli í sér að gangandi umferð verði í göngum undir Réttarholtsveginum á móts við Réttarholtsskólann en eins sé í athugun að setja bílaumferðina í stokk og gangbrautir fyrir ofan.

Skiptar skoðanir

Vegagerðin lagði fram tvær tillögur um mislæg gatnamót á mótum Bústaðavegar og Reykjanesbrautar. Í báðum var gert ráð fyrir að ekki væri hægt að beygja til vinstri af Bústaðavegi norður Reykjanesbraut. Borgarráð hafnaði tillögunum sem og stjórn íbúasamtaka Bústaðahverfis. Í yfirlýsingu íbúasamtakanna í byrjun desember sl. kom fram að mislæg gatnamót myndu hafa í för með sér mikla aukningu umferðar um Bústaðaveg, sem myndi kljúfa hverfið endanlega í sundur og myndi auk þess auka slysahættu þar og við Réttarholtsveg.

Stjórn íbúasamtakanna Betra Breiðholts (ÍBB) skoraði á borgaryfirvöld að láta endurhanna tillögurnar. „Þessi gatnamót eru fjármögnuð af ríkinu og hefur fjárveiting upp á 600 milljónir króna verið eyrnamerkt í þetta verkefni á samgönguáætlun ríkisins fyrir árið 2008. Við óttumst að verði ekki farið í framkvæmdina á næsta ári falli fjárveitingin niður,“ var haft eftir Helga Kristóferssyni, formanni ÍBB, í Morgunblaðinu 2. desember sl.

Kristján L. Möller, samgönguráðherra skrifar um umferðarmál og stofnbrautir

Hér kemur fram mikilvægi stofnbrauta og hve mikilvægt er að hafa mislæg gatnamót á stofnbrautum.

Mjög margir hafa haft samband og vilja mislæg gatnamót strax

Það er ótrúlegt hve margir hafa haft samband og hvatt til þess að það komi mislæg gatnamót á Reykjanesbraut/Bústaðaveg. Sérstaklega eru það þeir sem aka leiðina úr Hafnarfirði, Garðabæ, Kópavogi og ekki sýst þeir sem koma Stekkjarbakkann inn á Reykjanesbraut og ætla að fara til vinstri Bústaðaveg. Þeir þurfa að fara á stuttum tíma yfir 3 akreinar sem getur verið erfitt á annatíma. Á morgnana getur það verið mjög erfitt og þá gæti verið þægilegt að halda sig bara á hægri akrein og fara þannig yfir á Bústaðaveg. En þessi breyting myndi ekki auka umferðina á Bústaðaveg heldur greiða fyrir umferð um stofnbraut.

Nánar um gatnamót Bústaðarvegar og Reykjanesbrautar

Eftir að hafa rætt formlega og óformlega við marga embættismenn virðist einna helst að orðið hafi gagnkvæmur misskilnigur milli annars vegar  borgarpólitíkusa og hins vegar borgarembættismanna um málið. Borgarpólitíkusar virðiast hafa skilið embættismennina þannig að ekki væri unnt að endurhanna þessi mislægu gatnamót þannig að hlífa mætti gjörsamlega græna svæðinu í Elliðárdal en borgarembættismenn skilið borgarpólitíkusana þannig að enginn vilji væri fyrir endurhönnun nema að gamótin yrðu áfram á plani (þ.e. umferðarljósagatnamót).

Nú lítur út fyrir, ef ekki verður breyting á borgarpólitíkinni á þessu máli að niður falli fjárveiting upp á 600 milljónir kr, sem búið var að eyrnarmerkja á samgönguáætlun ríkisins í þessi mislægu gatnamót 2008! Við í stjórn ÍBB höfum borið það undir nokkra verkfræðinga hvort ekki sé unnt að endurhanna mislægu gatnamót þessi, þannig  að hlífa megi  gjörsamlega græna svæðinu í Elliðárdal og eru þeir allir sammála því að það sé vel gerlegt með því að flytja gatnamótin um ca. 10 m. í átt að Bústaðarvegi.

Að þessum umsögnum verkfræðinganna fengnum leggjum við nú eindregið til við borgaryfirvöld að undinn verði bráður bugur að því að slík endurhönnun eigi sér stað og verkið síðan snarlega boðið út í beinu framhaldi.

Skýrsla stjórnar á aðalfundi 22. nóvember 2007

Reykjavík 22.11.07

SKÝRSLA STJÓRNAR ÍBÚASAMTAKANNA BETRA BREIÐHOLT

 Íbúassamtökin Betra Breiðholt voru stofnuð í menningamiðstöðinni Gerðubergi 28. september 2006.

Í stjórn samtakanna var kostin eftirfarandi stjórn sem síðan skipti með sér verkum:

 
Helgi Kristófersson, form.

Bogi Arnar Finnbogason, ritari

Elín Huld Hartmannsdóttir, varaf

Elísabet Júlíusdóttir

Guðrún Elva Arinbjarnardóttir, vm.

Gunnar H. Gunnarsson, gjaldk. 

Ingimundur Sv. Pétursson, vm.

Magnús Gunnarsson

Þorkell Ragnarsson

Starf stjórnarninnar byrjaði eiginlega frekar hratt og mun hraðar en áætlað hafði verið.

Það kom í ljós að fyrirhugað var að opna gullnámu í Mjóddinni sem er spilasalur.

Það var fundað stíft í aðstöðu okkar í Mjóddinni.

Það hófust miklir fundir um málefni Gullnámunnar. Það var fundað tvisvar með Háskólarektor og aðilum Happdrættis Háskóla Íslands ásamt eigendum Gullnámunnar. 23.11.06 og 6.12.06

Það var fundað með Dómsmálaráðherra þar sem ítrekað var að það þyrfti að setja upp ákveðnar reglur um leyfisveitingar fyrir spilasölum en ekki að hægt sé að skjót niður svona stöðum hvar sem er.

Fundað var  með byggingaryfirvöldum þar sem leifi fyrir spilasal fannst ekki í fyrstu.
 

Íbúasamtökin Betra Breiðholt stóðu fyrir almennum íbúafundi með frambjóðendum flokkanna til Alþings. Fundurinn var haldinn í hátíðarsal Breiðholtsskóla fimmtudaginn 26. Apríl.  

Til umræðu voru málefni Breiðholts og nágrannasvæða með áherslu á aukið öryggi í umferðinni, félagsmál, menntamál, öldrunarmál og samgöngumál. Íbúafjöldi Breiðholts er mikill í heildarhlutfalli Reykvíkinga og nota því íbúarnir þjónustu víða og í auknu mæli fer umferð þeirra, sem aka úr bænum og austur fyrir fjall, um Breiðholtið.  

Dagskrá:

YFIRSKRIFT FUNDARINS: Stóraukins fjármagns frá ríkinu er þörf, m.a. til að auka almennt umferðaröryggi, efla sérfræðiaðstoð innan skólakerfisins og bæta lífskjör aldraðra.

a.   Fulltrúi Framsóknarflokksins –  Jónína Bjartmarz

b.   Fulltrúi Samfylkingarinnar – Ágúst Ólafur Ágústsson

c.   Fulltrúi Frjálslynda flokksins – Jón Magnússon

d.   Fulltrúi Sjálfstæðisflokksins – Sigurður Kári Kristjánsson

e.   Fulltrúi Íslandshreyfingarinnar –  Ómar Ragnarsson

f.     Fulltrúi Vinstri grænna – Árni Þór Sigurðsson

Fram að súmarfríi í sumar var fundað hátt í 20 sinnum. Fyrir utan fundi úti í bæ með opinberum aðilum og samtökum.
 

Við höfum unnið að margvíslegum málum fyrir hverfið og er það helst að nefna:

1.   Skíðabrekka í Vatnsendahvarfi.

2.   Bílastæði. Vaxandi vandræði er vegna skorts á bílastæðum víða í hverfinu, m.a. í íbúðahverfum og hjá leikskólum.

1. Umferðaröryggi.
2. Skólalóðir. Endurbætur eru nauðsynlegar á leiksvæðum barna við Breiðholtsskóla, Fellaskóla, Hólabrekkuskóla og Seljaskóla.
3. Gönguleiðir. Við skorum á borgarráð að láta leggja mislægar gönguleiðir á árinu, þ.e. yfir Breiðholts braut austan Norðurfells og yfir Skógarsels við ÍR-svæðið. Spurning er hvað tafði skipulögð undirgöng undir Skógarsel við ÍR-heimilið.
4. Myrkvuð svæði.

Til að taka betur á málum og skýra betur út hefur verið tekið saman ítarlegri samantekt:

Fylgiskjal 2 með nánari áhersluatriðum um úrbætur í Breiðholti:

1. Umhverfi og umferð:
   1. Dagleg umhirða – óskað eftir að flokkur á vegum Reykjavíkurborgar fari reglulega um opin svæði – hreint og fagurt umhverfi stuðlar að betri umgengni.
   2. Endurnýjun allra skólalóða í hverfinu  – Breiðholtsskóli - Fellaskóli – Hólabrekkuskóli –Seljaskóli. 
   3. Endurnýjun og regluleg umhirða á sparkvöllum í hverfinu.
   4. Breiðholt er grænt hverfi og leggjum áherslu á það.  Óskað er eftir viðræðum um gróðursetningu í hverfinu.

                                      i.    „Gróðurreitur“ milli Gerðubergs og kirkjunnar – t.d. hugmynd að tengja þennan reit félagsstarfi eldri borgara og „eigna“ þennan reit þeirra starfi eða undir merkjum „Samvera ungra og aldinna“. 

Grænt svæði í Bakkahverfi er moldarflag þrátt fyrir tiltektardaginn.

                                    ii.    Bæta lýsingu, t.d. á opnu leiksvæði barna milli sundlaugar og Vesturbergs.

                                   iii.    Leirubakkinn skoðist í heild með lýsingu.

1.  
   1. Umferðaröryggi í hverfinu

                                      i.    Taka verður á ofsaakstri Vesturhóla og Norðurhóla – setja verður þrengingu til að hægja á Strætó.  Þarna er útsýni fram á við takmarkað þar sem brautin er í sveigju og bílsskúrsbyggingar byrja sýn.

                                    ii.    Hverfaskilti:  Fá þjónustumiðstöð í lið með okkur og vera með samkeppni innan skólanna (líka Fjölbraut) um hönnun þar sem boðskapurinn er eitthvað á þessa leið „Við brosum í umferðinni í Breiðholti.“ 

1.  
   1. Upphitaður Höfðabakki
   2. Hólabrekkuskóli bíður enn eftir íþróttahúsi – fjórir aðilar deila með sér Austurbergi, þ.e. Hólabrekkuskóli, Fjölbrautaskólinn, Leiknir og ÍR.  Taka þarf á þessum málum – því að við setjum „Börnin í forgang í Breiðholti.“ 
   3. Gönguleiðir. Skorað er á borgarráð að láta gera leggja mislægar gönguleiðir, þ.e. yfir Breiðholtsbraut austan Norðurfells og yfir Skógarsel við ÍR-svæðið. Undirgöng við ÍR-heimilið voru skipulagðar á sínum tíma en ekki hefur orðið ef þeim enn og er spurning hvað hefur tafið málið.
   4. Endurgera/laga verður göngustíga aftan við Vesturberg. Þeir eru hættulegir fyrir hjólandi því malbikið er sigið. Hvers vegna eru allir göngustígar þarna allir kolsvartir – lífga þarf upp á útlitið og mála í lit sem ekki „gleypir“ lýsinguna ?
   5. Fjarlægja verður „Breiðholtsmúrinn“ í samvinnu við íbúa / eigendur.  Slíkir veggir gera ekkert annað en að undirstrika „vanmátt“ íbúanna gagnvart umhverfinu.
   6. Skúrar við Breiðholtsskóla verði fjarlægðir hið fyrsta og komið upp varanlegri kennsluaðstöðu sem þýðir byggingu ofan á síðustu álmuna sem byggð var.

l.    Myrkvuð svæði. Bæta þarf lýsingu á nokkrum stöðum þar sem almenningur á leið um. (Sjá nánar í fylgiskjali). Ljósastaur var fjarlægður frá Leirubakka þegar byggingarframkvæmdir stóðu þar yfir og var ætlunin að honum yrði komið aftur fyrir að loknum framkvæmdum. Þetta var fyrir u.þ.b. 6 árum. Þarna er því myrkvað svæði. Þær úrbætur, sem hafa verið gerðar, eru hvergi nærri fullnægjandi. Jafnframt eftir að verslanirnar voru lagðar niður er Leirubakkinn mjög myrkvaður. Það gildir eins í Efra Breiðholtinu að Bæta lýsingu, t.d. á opnu leiksvæði barna milli sundlaugar og Vesturbergs

1. Bílastæðavandi
   1. Skoða bílastæðahús við Fjölbraut/sundlaug.  Skoðist í samhengi við aðrar lausnir, s.s. frítt í strætó fyrir nemendur framhaldsskóla.
   2. Bílastæðaskortur. Gera mætti bílastæði á grasræmum meðfram götum, t.d. á Engjaseli og Seljabraut, sem eru nógu breiðar til þess. Benda má á að bílum er lagt upp á grasræmurnar og þær spændar upp, einkum á vorin og haustin, og eru þar að verki einna helst aðkomumenn. Svo sitjum við íbúarnir uppi með moldarflög allt sumarið.
   3. Bílastæðisvandi kom upp í Leirubakkanum eftir að lögð var niður verslun. Þar er grænt svæði sem borgin á og ætlun var að setja bílastæði þar. Það verði klárað hið fyrsta.
   4. Bílastæði í Mjóddinni. Efla þarf Mjóddina með betri bílastæðum og bera að framkvæma það annaðhvort með því að afhenda eigendum aðstöðu í Mjóddinni svæðið eða að Reykjavíkurborg fari í þessar framkvæmdir. Vekja má athygli á því að mjög er þrengt að bílastæðum fyrir Nettó vegna mjög aukins fjölda gesta í heilbrigðisstofnanir á staðnum má búast við því að matvöruverslun leggist af því að fráleitt er að ætla að viðskiptavinir komi fótgangandi á staðinn. Í þessu sambandi viljum við benda á að hætt er við að eins fari fyrir verslunarmiðstöðinni í Mjódd og verslunarkjörnunum við Leirubakka og Norðurfell þar sem smám saman hefur dregið úr verslunarþjónustu.
2.    Þjónusta
   1. Löggæsla:  Auglýst er eftir viðbótaraðgerðum gagnvart Efra Breiðholti þar sem löggæslan er nú staðsett í Mjódd.
   2. Úrbætur verði gerðar á læknisþjónustu í Breiðholti, þ.e. biðtíma eftir viðtali við lækna og endurskoðun á opnunartíma.
   3. Auka þarf aðstöðu til íþrótta- og tómstundaiðkunar. Vísað er til meistararitgerðar Þórdísar Gísladóttur um þjóðhagslegan ágóða að stórefldu íþróttastarfi meðal barna og unglinga.

                                      i.    Aðstöðu vantar fyrir líkamsrækt í Breiðholti, s.s. í tengslum við Breiðholtslaug.

1.  
   1. Áframhaldandi uppbygging Leiknissvæðis:

                                      i.    Félagshús  með aðstöðu fyrir foreldra/íbúa í hverfinu til að koma saman og mynda tengsl – í gegnum ýmsan félagsskap.

1.  
   1. Íbúar af erlendum uppruna:  Hvað á að bíða lengi ?

                                      i.    Styrkja þarf allar stuðningsstofnanir við nýbúa í hverfinu og greiða aðgang þeirra að félagsstarfi í hverfinu – skólum, kirkjum, félagsmiðstöðvum – íþróttum .

                                    ii.    Fjölga þarf kennurum á hvern bekk í skólum hverfisins þar sem fjöldi nýbúa fer yfir ákveðin mörk – og ganga eftir því að svo verði gert.

f.     myndaður verði samráðshópur um þjónustu við aldraða í hverfinu.

4.      Yngsta kynslóðin

1.  
   1. Stuðningur við allar fjölskyldur ungra barna (0-6 ára) í uppeldishlutverkum sínum og hjálp til að veita ástríkan aga.

                                      i.    Heilsugæsluhjúkrunarfræðingur, leikskólakennarar og starfsmenn félagsþjónustunnar leggi saman þekkingu sína og séu reglulega með námskeið í hverfinu – hægt að nýta kirkjur hverfisins o.fl.

1.  
   1. Stuðningur við fjölskyldur ungra barna (0-6 ára) sem eiga í erfiðleikum með uppeldishlutverkið.

                                      i.    Samvinna heilsugæslu, félagsþjónustu, leikskóla, dagmæðra og kirkju verði efld, t.d. með föstum fulltrúa.

1.  
   1. Opið íþróttahús  fyrir 5 ára á vegum íþróttafélaganna í hverfinu.

                                      i.    Leiknir hefur tekið þetta upp á sunnudögum en stuðningur þarf að koma frá ÍTR.

1.  
   1.   Frekari stuðningur við verkefnið „samvera ungra og aldinna“ – aðstoð vegna gönguferða – sögustundir – fá aldna inn í skólastarfið o.fl.

5. Grunnskólabörn og foreldrar þeirra

1.  
   1. Myndaðir verði „kunningjahópar“ meðal foreldra
   2. Mæðgna- og feðrahelgar
   3. Skilyrðislaust að bjóða upp á námskeið fyrir foreldra við upphaf skólagöngu:

                                      i.    Kynning á hlutverki skólans

                                    ii.    Kynning á hlutverki foreldra

                                   iii.    Samskiptavettvangur foreldra og skóla

                                   iv.    Kynning á skyldum skólans

                                    v.    Kynning á stofnunum hverfisins og þjónustu innan hverfis

1.  
   1. Kynna þarf jákvætt unglingastarf

                                      i.    Efling og kynning æskulýðsstarfs

                                    ii.    Íþróttaskóli grunnskóla Breiðholts

                                   iii.    Efla samvinnu skóla og félagasamtaka 

6. Grunnskólar

1.  
   1. Við gerum athugasemd við það að notaðir séu skúrar undir kennslu.
   2. Bæta og efla íþróttakennslu í skólum – eftirfylgni yfirvalda.
   3. Ganga eftir markmiðssetningu skóla og efla metnað forsvarsmanna skóla hverfisins – „Viljinn er allt sem þarf.“  Borgaryfirvöld verða að styðja þetta.

7. Íbúasamsetning

1.  
   1. Hver er stefna borgarinnar og hvernig miðar?

                                      i.    Félagslegar íbúðir.

                                    ii.    Samsetning á íbúahúsnæði í Breiðholti  og hvernig miðar að uppfylla hana.

                                   iii.    Er nýtt húsnæði í hverfinu í samræmi við íbúa- og íbúðasamsetningu?  Ef ekki þá hvers vegna?

8. Samvinna við fyrirtæki hverfisins

1.  
   1. Hvernig stöndum við að framboði á atvinnuhúsnæði?
   2. Hvernig er tekið á móti nýjum fyrirtækjum innan hverfisins?
   3. Mynda þarf umræðuhópa og vinnuhópa með atvinnufyrirtækjum í hverfinu.
   4. Grundvöllur til umræðu.

9. Framkvæmdir og skipulag

1.  
   1. Svæðið við Eddufell – verslanir eða íbúðir.
   2. Breikkun Stekkjarbakka.
   3. Aðrein af Stekkjarbakka og upp Höfðabakkann.
   4. Óskað eftir upplýsingaskiltum / götuheiti / við innkeyrslur inn í Efra Breiðholt – Neðra Breiðholt og Seljahverfið.