Lögreglustöðinni í Breiðholti lokað?

Til stendur að nær öll almenn löggæsla á höfuðborgarsvæðinu verði færð út í hverfisstöðvar á svæðinu. Samkvæmt upplýsingum eiga hverfisstöðvarnar að verða við Hverfisgötu, í Kópavogi, Hafnarfirði, Mosfellsbæ og vesturbæ Reykjavíkur.

Nái þessar tillögur fram að ganga mun lögreglustöðinni í Breiðholti loka.
Þessi ákvörðun veldur áhyggjum því óttast er að með þessu fyrirkomulagi myndist fjarlægð milli lögreglunnar og Breiðholtsbúa en samstarf fram til þessa hefur verið náið og gott.

Lögreglustjórinn í Reykjavík vill þó að það komi fram að með þessu megi fólk ekki halda að lögregla sé að draga sig frá sveitarfélögunum. Hann segir að á hverri þjónustumiðstöð verði aðstaða fyrir hverfislögreglumann sem vinni með skóla- og félagsmálayfirvöldum.

Verði þessi skipulagsbreyting að veruleika þykir óttast margir að gerist alvarlegur atburður í Breiðholti sé hætta á að viðbragðstími lögreglu sé lengri hafi þeir t.d. aðsetur í Kópavogi.

Athugasemdir

[Helgi Kristófersson (IP-tala skráð) 31.1.2009 kl. 14:10]

Hvað er í gangi þarna hjá lögreglunni. Menn eru búnir að sýna fram á góðan árangur og þá a´að rífa þá upp frá sinni aðstöðu og henda þeim eitthvað í burtu. Ætla menn að reyna að segja að tengslin við skólana og hverfið haldist. Nei takk það er ekki hægt að bulla við fólk. Við erum hætt að hlusta á svona bull. Vakna til lífsins og horfa á raunveruleikann eins og hann er í dag. Lögreglustöðin áfram í Breiðholtinu og ekki orð um það meir.

[Kolbrún Baldursdóttir, 31.1.2009 kl. 14:45]

Ég er uggandi við að heyra þessi tíðindi. Breiðholt er stórt og víðfeðmt hverfi og því mjög mikilvægt að lögreglustöð sé í sjálfu hverfinu.

Enda þótt lögreglumaður muni vinna með Þjónustumiðstöðinni er það ekki nóg.  Það er staðsetningin sem skiptir máli ef takast á að viðhalda nálægðinni og tilfinningu íbúanna um öryggi.

Þetta eru því slæm tíðindi ef rétt reynast.