Útibú Alþjóðahússins í Breiðholti?

Hugsast getur að í deiglunni sé að gera þjónustusamning milli Reykjavíkurborgar og Alþjóðahúss þar sem kveður á um að stofnað verði útibú Alþjóðahússins í Fellahverfi í Breiðholtinu,
(sjá frétt í Mbl. frá 29. mars).

Hugmyndin er, ef að verður, að ráða einn starfsmann í starf verkefnisstjóra sem hafi aðstöðu í nokkurs konar félagsmiðstöð sem verður opin á virkum dögum frá 17-21. Þar yrði t.d. hægt að halda námskeið, vera með klúbbastarf svo fátt eitt sé nefnt. 

Meðal verkefnis verkefnastjórans yrði að efla grasrótarstarfið í hverfinu og virkja fólk af erlendum uppruna til að taka meiri þátt í samfélaginu. Að sögn Einars Skúlasonar, framkvæmdarstjóra Alþjóðahúss er hugmyndin að vinna í nánu samstarfi við íþróttafélögin í hverfinu, skóla og leikskóla.

Það er staðreynd að í Efra-Breiðholti er hátt hlutfall erlendra borgara. Með þessu verkefni fer starfsemi Alþjóðahússins inn í hverfið á forsendum hverfisins.

Athugasemdir

[Sigrún Jóna (IP-tala skráð) 11.3.2008 kl. 21:41]

það er líka hátt hlutfall íbúa, af erlendum uppruna í 101

[Íbúasamtökin Betra Breiðholt, 12.3.2008 kl. 10:05]

Já það er satt. Það væri gaman að vita aldursdreifinguna og hvernig dreifingin er í öðrum hverfum í borginni og á Stór-Reykjavíkursvæðinu.