Almennur borgarafundur um lögregluna í Breiðholti

STÖNDUM VÖRÐ UM GÓÐA LÖGGÆSLU Í BREIÐHOLTI

 

Íbúasamtökin Betra Breiðholt (ÍBB) standa fyrir fundi um

löggæslumál í Breiðholti hinn 4. júni í Seljakirkju.

Fundurinn hefst kl. 20:00

Gestir fundarins eru Stefán Eiríksson,

lögreglustjóri á höfuðborgarsvæðinu

og Ragna Árnadóttir, dómsmálaráðherra.

Eins og kunnugt er hefur lögreglustöðin í Mjódd nú færst yfir á Dalveginn

í Kópavogi. Íbúum í Breiðholti gefst kostur á að heyra hver staða

löggæslumála er um þessar mundir í Breiðholti og hvernig málum verður

háttað í framtíðinni.

Fundarstjóri: Ólafur J. Borgþórsson, prestur.

Dagskrá:

Kl. 20:00

Formaður stjórnar ÍBB, Helgi Kristófersson setur fundinn.

Kl. 20:05

Þorsteinn Hjartarson, framkvæmdastjóri Þjónustumiðstöðvar í

Mjódd ræðir um samstarf lögreglunnar við þjónustumiðstöðina.

Kl. 20:15

Stefán Eiríksson, lögreglustjóri höfuðborgarsvæðisins ræðir um

breytingar á fyrirkomulagi löggæslunnar í Breiðholti.

Kl. 20:35

Ragna Árnadóttir, Dóms- og kirkjumálaráðherra ræðir um

löggæsluna frá sjónarhorni Dómsmálaráðuneytisins.

Kl. 20.45 Almennar umræður og fyrirspurnir.

 

Öflug löggæsla og náið samstarf íbúa við lögreglu er

hagur allra.

Íbúar í Breiðholti eru hvattir til að fjölmenna.

Stjórn Íbúasamtaka Betra Breiðholts.

Fundir með götustjórum í Breiðholti

Nágrannavörslufundir í Breiðholti í maí

Fundirnir verða haldnir í fundarsal Þjónustumiðstöðvar Breiðholts sem hér segir: 19. maí Látrasel (vantar götustjóra), Lækjarsel, Lindarsel og Jakasel. 27. maí Rituhólar, Starrhólar (vantar götustjóra) og Trönuhólar (vantar götustjóra). 28. maí Stekkjahve

Ósmekkleg og sennilega ólögleg auglýsing barst í fjölmörg hús í Breiðholti

Fyrirtækið Garðlist ehf auglýsir á afar ósmekklegan hátt og hefur málinu verið vísað til Neytendastofu og Talsmanns neytenda.

Ekki er betur séð en hér sé verið að beita blekkingum þar sem fyrirtækið Garðlist lætur sem bréfið (auglýsingin) sé frá fólkinu í næsta húsi. Nágranninn (Garðlist) hvetur til þess að þeir sem vanti aðstoð við garðverkin leiti til Garðlistar af því að þeir sjálfir þ.e. nágranninn hafi verið svo ánægður með þjónustu þeirra.

Iðandi líf í Breiðholti. Allir aldurshópar eru að gera eitthvað skemmtilegt

Með penna og pensil að vopni!

Sýning Guðráðs Björgvins Jóhannssonar, Landið í lit, verður opnuð í Boganum föstudaginn 22. maí. Listin og veiðarnar eiga hug hans allan en þó þykist hann meiri veiðimaður en listamaður! Guðráður er mikið náttúrubarn, stundar stangveiði og skotveiði allan ársins hring auk þess að vera titlaður refaskytta Torfalækjarhrepps hins forna.  lesa meira

Myndlistarsýning leikskólabarna í Bakkahverfi 2009

Myndlistarsýning leikskólabarna í Bakkahverfi 2009

Árleg myndlistarsýning leikskólabarna í Bakkahverfi í Breiðholti verður opnuð þriðjudaginn 12. maí kl. 14 í göngugötunni í Mjódd og mun hún standa til 26. maí. Sýningin hefur verið árlegur viðburður síðan 1989. Hugarheimur barna er margslunginn og börn eiga ekki alltaf orð til að lýsa sínum hugarheimi. Börn á leikskólaaldri hafa ríka þörf fyrir að tjá sig á skapandi hátt meðal annars á myndmáli. Fjölbreytileg myndgerð og myndsköpun skipar veglegan sess í uppeldisstarfi leikskólans og tengist öðrum þáttum þess með ýmsum hætti. Með því að gera myndlist leikskólabarna sýnilega gefum við börnunum rödd í samfélaginu. Á opnunarhátíðinni leikur Lúðrasveit Árbæjar og Breiðholts nokkur lög og leikskólabörn syngja.

Málverkasýning verður haldin næstu daga í Félagsmiðstöðinni Árskógum 4.

Málverkasýning verður haldin næstu daga í Félagsmiðstöðinni Árskógum 4.

Eygló Haraldsdóttir myndlistamaður opnar sýninguna föstudaginn 8. mai kl-17:00-19:00 og tekur hún þá á móti gestum. Laugardaginn 9 maí verður opið milli kl. 14:00 og17:00. Opið er virka daga á opnunartíma félagsmiðstöðvarinnar.

Fegrunardagar í Breiðholti 9.-10. maí

Hverfisráð Breiðholts  ásamt Íbúasamtökunum Betra Breiðholt standa fyrir fegrunardögum helgina 9.-10. maí nk.

Fulltrúar ráðsins munu afhenda sorppoka og áhöld sunnudaginn 10. maí kl. 11:00 á þremur stöðum í hverfinu.

Fjölbrautaskólann í Breiðholti.

Hverfisstöðina Jafnaseli.

Verslanirnar við Arnarbakka.

Fulltrúar félagasamtaka, stofnana og fyrirtækja eru einnig hvattir til að taka virkan þátt í fegrun hverfisins þessa helgi eða í kringum hana. Tökum upp hanskann fyrir Breiðholtið og sýnum hreint og fagurt umhverfi í verki. Margar hendur vinna létt verk.

Reykjavíkurborg leitar nú liðsinnis borgarbúa við að fjarlægja garðúrgang annars vegar með því að íbúar fari með hann á endurvinnslustöðvar Sorpu eða nýti hann til moltugerðar í eigin garði.

 

Þá er að taka höndum saman

Reykjavíkurborg birti á dögunum hvatningu til borgarbúa um að taka höndum saman við að hreinsa til í borginni eftir veturinn. Íbúar í Arahólum 2 í Breiðholti tóku áskorun borgarinnar með bros á vör og hafa tekið að sér að snyrta nærumhverfi sitt með því að tína rusl og snyrta tré og runna.

„Með þessu framtaki viljum við sjá til þess að umgengni sé góð og snyrtimennska og virðing fyrir umhverfinu sé í heiðri höfð,“ segir Guðrún Jónsdóttir, íbúi í Arahólum. „Þessi vitundarvakning okkar hófst með átakinu Tökum upp hanskann fyrir Reykjavík en þá létu borgaryfirvöld okkur í té áhöld sem auðvelda þessa vinnu. Við hreinsunina gerum við ekki greinarmun á sameiginlegu landi borgarbúa og einkalóðum. Ég hef til að mynda tekið að mér svæði við Stekkjarbakka og Vesturhóla þar sem mikill fjöldi gangandi vegfarenda á leið um. Eftir að upplýsingaskilti voru sett upp á staðnum hefur hann orðið vinsæll áningastaður ferðamanna og æ algengara er að rútur eigi þarna leið um. Ferðamenn koma hingað til að virða fyrir sér útsýnið sem er afar fallegt á þessum stað.“