Leita í fréttum mbl.is

Metnaðarfullt ár framundan hjá Íbúasamtökunum Betra Breiðholt

_bbimg_3103.jpgAðalfundur Íbúasamtaka Betra Breiðholt var haldinn mánudaginn 23. nóvember í Fella- og hólakirkju í Efra Breiðholti.  Fundurinn hófst 18:00

Dagskráin var eftirfarandi:
1. Skýrsla stjórnar
2. Reikningar lagðir fram
3. Kosning stjórnar
4. Kosning skoðunarmanna
5. Önnur mál

Nú hafa Íbúasamtökin Betra Breiðholt starfað í þrjú ár.  Fjölmörg mál hafa komið inn á borð samtakanna þar sem þau hafa fengið umfjöllun og eftirfylgni. Íbúasamtökin hafa staðið fyrir ýmsum uppákomum og er þar skemmst að minnsta borgarafund vegna löggæslumála sem haldinn var í Seljakirkju fyrr á árinu og Markaðinum í Mjódd í aðdraganda Breiðholtsdaga.  

Til að freista þess að vekja athygli ráðamanna á ýmsu sem er ábótavant í Breiðholti hefur stjórn Samtakanna átt fundi og fjölmörg samtöl við borgaryfirvöld, fyrrverandi sem og núverandi borgarstjóra. Markmiðið hefur verið að reyna að koma einstaka málum og málefnum í viðeigandi farveg innan borgarkerfisins.

Stjórn Íbúasamtakanna vonast til að mál hafi eitthvað þokast áfram þau ár sem Samtökin hafa starfað en framundan bíða mörg brýn verkefni úrlausnar víða í hverfum Breiðholts. 

Þátttaka í samtökum eins og Íbúasamtökunum er skemmtileg og gefandi. Samtökin eru vettvangur þar sem fólki sem lætur sér annt um umhverfi sitt gefst kostur á að koma málefnum síns hverfis á framfæri og fylgja eftir þeim ákvörðunum sem teknar hafa verið.

Við kosningu stjórnar gengu út Falasteen Abu Libdeh og Hafsteinn Valsson.

Aðalmenn voru kosnir:
Anna Sif Jónsdóttir, Bergljót Rist. Gunnar H. Gunnarsson Helgi Kristófersson, Rut Káradóttir, Magnús Gunnarsson,
Varamenn: Kolbrún Baldursdóttir og Þorkell Ragnarsson.

Yfirlit úr skýrslu stjórnar.

Haldinn fundur með borgarstjóra 18. febrúar 2009 en þar var farið yfir ýmis mál hverfisins og áherslur sem er lagt upp með.

17.2.2009 var haldinn fundur með lögreglunni ásamt Hverfisráði.

Í framhaldi þess var haldinn fundur með lögreglunni fimmtudaginn 4. júní.

Markaðsdagur í Mjódd laugardaginn 17. október.

Stjórnmálafundur sem Íbúasamtökin héldu með áherslu á Breiðholtið í sal Breiðholtsskóla fimmtudaginn 16. apríl. Á fundinn mætti einn frá hverju stjórnmálaafli.

Fegrunardagar í Breiðholti 9.-10. maí.

Mörg önnur mál var komið að á þessum tíma, t.d. róluvallarverkefni í Stekkjahverfi. Gangstígar í hverfinu og margt í tengslum við umferðaröryggi o.fl

Unnið hefur verið að og bent á margvísleg mál er varða hverfið og má þar helst nefna:

  1. Skíðabrekka í Vatnsendahvarfi.
  2. Bílastæði. Vaxandi vandræði er vegna skorts á bílastæðum víða í hverfinu, m.a. í íbúðahverfum og hjá leikskólum.
  3. Umferðaröryggi.
  4. Skólalóðir. Endurbætur eru nauðsynlegar á leiksvæðum barna við Breiðholtsskóla, Fellaskóla, Hólabrekkuskóla og Seljaskóla.
  5. Áframhaldandi uppbygging íþróttaaðstöðu í hverfum Breiðholts
  6. Gönguleiðir. Við skorum á borgarráð að láta leggja mislægar gönguleiðir á árinu, þ.e. yfir Breiðholts braut austan Norðurfells og yfir Skógarsels við ÍR-svæðið. Spurning er hvað tafði skipulögð undirgöng undir Skógarsel við ÍR-heimilið.
  7. Myrkvuð svæði.
  8. Og nokkur umræða spannst um möguleika til enn frekari uppbyggingar innan Breiðholts og var þar horft til íbúða fyrir eldri borgara í Efri hverfum Breiðholts og endurskipulagningu á svæðum í Seljahverfi, Neðra Breiðholti og Efra Breiðholti þar sem verslunarkjarnar hafa verið að gefa eftir

 

 



 


Aðalfundur Íbúasamtakanna Betra Breiðholt 23. nóvember.

Aðalfundur Íbúasamtakanna Betra Breiðholt verður haldinn mánudaginn 23. nóvember nk. í Fella- og Hólakirkju í Efra Breiðholti.  Fundurinn hefst kl. 18:00.

        
        Dagskrá fundar:
        
        1. Skýrsla stjórnar
        2. Reikningar lagðir fram
        3. Kosning stjórnar
        4. Kosning skoðunarmanna reikninga
        5. Önnur mál
        
        Nú hafa Íbúasamtökin Betra Breiðholt starfað í þrjú ár.  Fjölmörg mál hafa komið inn á borð samtakanna þar sem þau hafa fengið umfjöllun og eftirfylgni. Íbúasamtökin hafa staðið fyrir ýmsum uppákomum og er þar skemmst að minnsta borgarafund vegna löggæslumála sem haldinn var í Seljakirkju fyrr á árinu og Markaðinum í Mjódd í aðdraganda Breiðholtsdaga.
        
        Til að vekja athygli ráðamanna á ýmsu sem mætti betur fara í Breiðholti hefur stjórn Samtakanna átt fundi og fjölmörg samtöl við borgaryfirvöld, sem og fyrrverandi og núverandi borgarstjóra með það að markmiði að koma einstaka málum og málefnum í viðeigandi farveg innan borgarkerfisins.
        
        Stjórn Íbúasamtakanna er ánægð með þann árangur sem náðst hefur á starfstímanum en framundan bíða mörg brýn verkefni úrlausnar víða í hverfum Breiðholts.
        
        Þátttaka í samtökum eins og Íbúasamtökunum er skemmtileg og gefandi. Samtökin eru vettvangur þar sem fólki sem lætur sér annt um umhverfi sitt gefst kostur á að fylgjast með hvað er að gerast í hverfinu, koma málefnum síns hverfis á framfæri og fylgja eftir þeim ákvörðunum sem teknar hafa verið.
        
        Íbúar Breiðholts eru hvattir til að mæta á aðalfund Íbúasamtaka Betra Breiðholts.
          
        
        Fyrir hönd stjórnar Íbúasamtakanna Betra Breiðholts.
        
        
        

Aðalfundur Íbúasamtaka Betra Breiðholt

Aðalfundur Íbúasamtaka Betra Breiðholt verður haldinn mánudaginn 23. nóvember nk.
í Fella- og hólakirkju í Efra Breiðholti.  Fundurinn hefst 18:00.

Dagskrá:
1. Skýrsla stjórnar
2. Reikningar lagðir fram
3. Kosning stjórnar
4. Kosning skoðunarmanna reikninga
5. Önnur mál

Nú hafa Íbúasamtökin Betra Breiðholt starfað í þrjú ár.  Fjölmörg mál hafa komið inn á borð samtakanna þar sem þau hafa fengið umfjöllun og eftirfylgni. Íbúasamtökin hafa staðið fyrir ýmsum uppákomum og er þar skemmst að minnast borgarafund vegna löggæslumála í Breiðholti sem haldinn var í Seljakirkju fyrr á árinu og Markaðinum í Mjódd í aðdraganda Breiðholtsdaga.  

Til að freista þess að vekja athygli ráðamanna á ýmsu sem er ábótavant í Breiðholti hefur stjórn Samtakanna átt fundi og fjölmörg samtöl við borgaryfirvöld, fyrrverandi sem og núverandi borgarstjóra. Markmiðið hefur verið að reyna að koma einstaka málum og málefnum í viðeigandi farveg innan borgarkerfisins.

Stjórn Íbúasamtakanna vonast til að mál hafi eitthvað þokast áfram þau ár sem Samtökin hafa starfað en framundan bíða mörg brýn verkefni úrlausnar víða í hverfum Breiðholts.  

Þátttaka í Íbúasamtökum Betra Breiðholts er skemmtileg og gefandi. Samtökin eru vettvangur þar sem fólki sem lætur sér annt um umhverfi sitt gefst kostur á að koma málefnum síns hverfis og nærumhverfis á framfæri og fylgja eftir þeim ákvörðunum sem teknar hafa verið.

Íbúar Breiðholts eru hvattir til að mæta á aðalfund Íbúasamtaka Betra Breiðholts.
 
Stöndum sameinuð og stuðlum að enn betra Breiðholti!

Breiðholtsdagar eru hafnir. Metnaðarfull dagskrá yfirfull af uppákomum og sýningum

Breiðholtsdagar verða haldnir hátíðlegir í sjöunda sinn frá 19.-25. október. Yfirskrift daganna verður Hverfið okkar, samheldni - samvinna. En meginmarkmið Breiðholtsdaga er að stuðla að aukinni samheldni, samvinnu, samveru og hverfisvitund íbúa þar sem fólk á öllum aldri kemur saman á ýmsum stöðum til að auðga andann og skemmta sér á jákvæðan og uppbyggilegan hátt. Eins og dagskráin sýnir er af nógu að taka því menningarstarf í Breiðholti er öflugt og framsækið.

Leikskólabörn heimsækja Árbæjarsafn 29. október og í Breiðholtsvikunni sjálfri munu nemendur Skólahljómsveitar Árbæjar og Breiðholts heimsækja nokkra leikskóla í hverfinu og leika tónlist fyrir börn og starfsfólk. Hátíðarathöfn Breiðholtsdaga verður að þessu sinni í göngugötunni í Mjódd föstudaginn
23. október kl. 16:00 mun Vilhjálmur Þ. Vilhjálmsson forseti borgarstjórnar ávarpa gesti og afhenda heiðursviðurkenningar.

 

 

19. október, mánudagur

07:30 Pottagestur í Breiðholtslaug. Borgarlistamaður Reykjavíkur

09:50 Vatnsleikfimi í Breiðholtslaug.

Sýning Jóns Guðmundssonar, plöntulífeðlisfræðings og trérennismiðs á renndum og tálguðum trémunum úr heimaræktuðum viði stendur yfir alla vikuna í Félags- og þjónustumiðstöðinni Árskógum 4 frá kl. 09:00 til 17:00 og um helgina, laugardaginn 24. október og sunnudaginn 25. október er sýningin opin milli kl. 13:00 til 17.00. Kaffi á könnunni um helgina.

 

10:00 Setning Breiðholtsdaga í Hólabrekkuskóla. Brynjar Fransson og fl.

Mjódd, sýning leikskólanna Arnaborgar og Fálkaborgar á myndverkum frá “menningamóti” leikskólabarna í Bakkahverfi stendur út alla vikuna.

14:00 Sýning ljósmynda í Ljósmyndasamkeppni Breiðholts opnuð af Brynjari Franssyni formanni hverfisráðs.

17:30-18:30 KFUK fyrir stúlkur í Seljakirkju, allar stúlkur velkomnar.

18:30 Messa í Maríukirkjunni (alla virka daga).

Olís í Mjódd með tilboð á ýmsum vörum alla dagana.

 

20. október, þriðjudagur

07:30 Pottagestur í Breiðholtslaug Sigmundur Ernir þingmaður og rithöfundur

10:30 Félagsstarfið í Gerðubergi, Sigurður R. Guðmundsson með leynigest og kennir stafgöngu

12:00 Kyrrðarstund í Fella- og Hólakirkju. Tónlist, ritningarlestur og bæn. Súpa og brauð í safnaðarheimilinu eftir stundina.

13:00-14:00 Nemendur úr Fellaskóla tefla við gesti og gangandi í Göngugötunni í Mjódd

13:00-16:00 Fella- og Hólakirkja. Samvera eldri borgara í umsjá Ragnhildar Ásgeirsdóttur, djákna.

 

21. október, miðvikudagur

07:30 Pottagestur í Breiðholtslaug Gunnlaugur Júlíusson langhlaupari

09.00 Lesum enn meira saman í Fellaskóla. Samstarfsverkefni Menntasviðs, Fellaskóla og Félagsstarfsins í Gerðubergi.

09:50 Vatnsleikfimi í Breiðholtslaug, allir velkomnir.

10:00 Umhverfisverkefnið ,, Garðurinn okkar” kynnt í Félagsstarfinu Gerðubergi, umhverfisráðherra Svandís Svavarsdóttir setur formlega af stað nýtt samstarfsverkefni undir forystu eldri borgara.

13:30 Breiðholtskirkja með samverustund Maður er manns gaman, gestur verður sr. Jakob Ágúst Hjálmarsson.

14:00 Elsa Haraldsdóttir með sönghóp félagsstarfsins í Árskógum og tónlist í Skógarbæ

16:00 6. - 9 ára Kirkjuprakkarar í Breiðholtskirkju, allir krakkar á þeim aldri velkomnir.

20:00 Breiðholtskirkja með Æskulýðsfélagsfund fyrir krakka í 8. bekk.

20:00 Gleðjumst saman í söng - gleðjum aðra með söng”, ókeypis tónleikar í Fella og Hólakirkju, Gerðuberskórinn og Söngfuglar frá Vesturgötu 7. Óskar Pétursson tenór frá Álftagerði syngur.

 

22. október, fimmtudagur

07:30 Pottagestur í Breiðholtslaug Ragnhildur B. Guðjónsdóttir varaformaður Hverfisráðs Breiðholts

10:00-15:00 Iðjuberg Gerðubergi 1, opið hús, heitt á könnunni og sala á munum sem unnin eru í Listiðju og hæfingu.

14:00 Kynning á vinnustofum í félagsstarfinu í Árskógum 4.

16:30-17:30 KFUM starf fyrir drengi í Seljakirkju.

17:00 Íbúaverkefni um framtíð Sekkjaróló við Fremristekk ýtt úr vör með útihátíð á róluvellinum. Stutt ávörp, leikir og veitingar í boði fyrirtækja í Breiðholti

17:45 Handboltaleikur í Austurbergi 3 fl. kv. ÍR-Grótta2

18:00 Seljakirkja með fyrirbænastund, á eftir er boðið upp á kaffi, spjall og gott samfélag

19:00 Handboltaleikur í Austurbergi 3 fl. kv. ÍR-Grótta1

19:30-22:00 Stelpukvöld í Hólagarði kynningar, tilboð, ókeypis happadrætti ofl.

 

23. október, föstudagur

07:30 Pottagestur í Breiðholtslaug Matthías Halldórsson landlæknir

10:00 Félagsstarfið í Gerðubergi, Raggi Bjarna heiðursgestur í prjónakaffi

12:15 Samsöngur í Breiðholtskirkju

13:30 Hátíðarbingó hjá Félagsstarfinu Árskógum 4.

15:00 Þjónustumiðstöð með opið hús og kynningu í göngugötunni í Mjódd

15:00 Göngugatan Mjódd, Tónlist

15:30 Félagsstarfið í Árskógum 4. Harmonikkuball

16:00-18:00 Göngugatan Mjódd, Bahaí samfélagið með kynningu, lifandi tónlist

16:00-17:00 Hátíðasamkoma í Mjódd

Setningarávarp Þorsteinn Hjartarson

Úrslit og verðlaunaveitingar í ljósmyndasamkeppninni Brynjar Fransson formaður hverfisráðs

Vilhjálmur Þ. Vilhjálmsson forseti borgarstjórnar afhendir heiðursviðurkenningar.

Vinabandið tekur lagið

17:00-22:00 Breiðholtslaug við Austurberg, frítt í sund

19:30-23:00 Unglingadansleikur í Miðbergi

 

24. október, laugardagur

10:00-16:00 Opið hús hjá Leikni

11:00-14:00 Vináttuleikir Leiknis og ÍR. Yngri flokkar

14:00 Grillaðar pylsur eftir leikina

10:00-16:00 ÍR- kynnir starf sitt í göngugötunni í Mjódd

13:00 Félagsstarfið í Breiðholti stendur fyrir almenningshlaupi til styrktar Grensás, vegalendir eru 1,8 km. og 4 km. Edda Heiðrún Bachmann ræsir, skráningargjald 1.000 kr. og áheit renna heil og óskipt til Grensásdeildar. Hlaupið er frá Breiðholtslaug.

13:00-17:00 Gerðuberg menningarmiðstöð, Litrík menning – gagnkvæm miðlun. Kynning á starfsemi og þjónustu fyrir íbúa af erlendum uppruna

13:00-17:00 Gerðuberg menningarmiðstöð, Flóamarkaður – skráning þátttöku í síma 575 7700, gerduberg@reykjavik.is

14:00-16:00 Göngugatan Mjódd, Bahaí samfélagið með kynningu, lifandi tónlist

14:00-15:00 Gerðuberg menningarmiðstöð, Sóla á sögubílnum Æringja tekur á móti börnum á bókasafninu

15:00-16:30 Gerðuberg menningarmiðstöð, Litrík menning – gagnkvæm miðlun. Umræðusmiðjur með þátttöku listamanna af erlendum uppruna

18:30 Ensk messa í Maríukirkjunni við Raufarsel. Dennis O’Leary messar.

 20:00 Bahaí samfélagið með bænastund og spjall að Krummahólum 2. 6E

Garðheimar með ljósaseríukynningu

 

Sunnudagur 25. október

11:00 Breiðholtskirkja, sunnudagaskóli og messa.

11:00 Fella- og Hólakirkja guðþjónusta.

11:00 Maríukirkjan, messa

12:15 Maríukirkjan, barnamessa

14:00 Seljakirkja, almenn guðþjónusta.

Garðheimar með ljósaseríukynningu

Stórkostlega vel heppnaður Markaður Íbúsasamtaka Betra Breiðholts í Mjóddinni

mark17102009011_923754.jpg Íbúasamtökin Betra Breiðholt stóðu fyrir markaði í göngugötunni í Mjódd í gær, laugardaginn 17. október.

Markaðurinn var hugsaður til að skapa vettvang fyrir íbúana til að hittast og selja eða gefa hluti sem þeir höfðu ekki not fyrir lengur. Fjölmargir komu með vörur og þátttaka var strax góð.

Rennt var nokkuð blint í sjóinn með hugmyndina en útkoman var sérlega ánægjuleg fyrir Íbúasamtökin og án efa fyrir alla þá fjölmörgu sem lögðu leið sína um göngugötu Mjóddarinnar þennan laugardag.

Mikið og fjölbreytt vöruúrval var á markaðnum. Meðal þess sem var á boðstólum voru nýjar vörur frá Múlalundi, nýtt íslenskt handverk, fatnaður af öllu tagi og plöntur og tré svo sem Gullregn og Gráelri. Ungar dömur léku á þverflautu skemmtilegt úrval laga.

Fyrst svo vel gekk er mikill vilji fyrir að endurtaka Markaðinn að ári. Íbúasamtökin Betra Breiðholt vilja koma á framfæri kæru þakklæti til allra sem að þessu komu.

Nú fara Breiðholtsdagar í hönd sem standa munu alla næstu viku með tilheyrandi uppákomum og sýningum. Markaðurinn í Mjóddinni í gær var góð upphitun. Óskandi er að Breiðhyltingar njóti Breiðholtsdagana og alls þess sem þeir hafa upp á að bjóða.



Markaður í Mjódd í aðdraganda Breiðholtsdaga, laugardaginn 17. október

brei_hotlnymbl0006994.jpgÍbúasamtökin Betra Breiðholt standa fyrir markaði í göngugötunni í Mjódd laugardaginn 17. október sem hefst kl. 11:00  og stendur til að minnsta kosti 14:00.

Markaðurinn er hugsaður til að skapa vettvang fyrir íbúana til að hittast og selja eða gefa hluti sem ekki er not fyrir lengur.

Þetta er upplagt tækifæri fyrir þá sem vilja skapa aukið rými í geymslunni eða vilja létta á byrgðum heimilisframleiðslunnar. Sem dæmi, sértu með hjól sem er í lagi en ekki lengur í notkun þá er um að gera að finna því nýjan eiganda á markaði Íbúasamtakanna í Mjódd næstkomandi laugardag. Ýmislegt verður til sölu, t.d. barnafatnaður og fatnaður á fullorðna, plöntur og fleira.



Geðgóður dagur í Mjóddinni á Alþjóða geðheilbrigðisdeginum 10. október

Á Alþjóða geðheilbrigðisdeginum 10. október 2009 verður haldið upp á daginn í göngugötunni í Mjódd og í húsakynnum Hugarafls, Álfabakka 16 frá kl. 13-16.30. Dagskráin hefst með opnunarávarpi en síðan verður boðið upp á fjölbreytta skemmtidagskrá fyrir börn og fullorðna.

Kynningarbásar verða í göngugötunni þar sem gestir geta fengið margs konar upplýsingar er varða geðheilbrigðismál frá þeim stöðum er vinna að málefninu. Einnig verður boðið upp á veitingar á vægu verði. Nánari upplýsingar á www.10.oktober.com

Eftirtaldir aðilar munu kynna starfsemi sína í Mjóddinni 10. Október á Alþjóða geðheilbrigðisdeginum.

  1. Björgin www.bjorgin.is
  2. Fjölsmiðjan www.fjolsmidjan.is
  3. Fjölskyldumiðstöðin Háaleitisbraut 13
  4. Geðsvið LSH – Bergþór fulltrúi notenda, Páll Matt framkvæmdarstjóri geðsviðs, Fjölskyldubrúin og Sálfræðiþjónusta geðsviðs. www.lsh.is
  5. Helga Pálsdóttir (Sölubás)
  6. Hjálparsími Rauða krossins 1717 og Rauða kross húsið www.redcross.is
  7. Hlutverkasetur www.hlutverkasetur.is
  8. Hringsjá, (nemar og fl.) www.hringsja.is
  9. Hugarafl www.hugarafl.is
  10. Iðjuþjálfun Hringbraut + Iðjuþj./vinnusalur á Kleppi
  11. KlúbburinnGeysir www.kgeysir.is
  12. Landlæknisembættið www.landlaeknir.is
  13. Lausnin og 12 spora samtök saman á borði www.lausnin.is
  14. Liðsmenn Jerico www.jerico.is
  15. Lýðheilsustöð www.lydheilsustod.is
  16. Manía, geðverndarfélag HÍ www.mania.is
  17. Rauða kross athvörfin (Dvöl, Lækur, Vin) www.redcross.is
  18. Velferðarsvið Reykjavíkurborgar og Búsetukjarnar víðsvegar úr bænum www.rvk.is
  19. Þjónustumiðstöð Vesturbæjar www.rvk.is

 


Söngleikur fyrir börn í Gerðubergi

Út í kött! Nýr dans- og söngleikur fyrir börn í Gerðubergi

utikott1

 

Sýningar Lýðveldisleikhússins á barnaleikritinu Út í kött! hefjast að nýju um helgina í Gerðubergi. Út í kött! er nýr dans og söngleikur fyrir börn á öllum aldri sem var frumsýndur síðastliðið vor. Verkið er ævintýraleikur og fjallar um tvo krakka og ferðalag þeirra um tölvu og ævintýraheima. Skólum, leikskólum og foreldrafélögum gefst kostur á að kaupa sýningar á sérstökum afsláttarkjörum og geta þeir sent fulltrúa sína á sýningarnar um helgina í Gerðubergi til að kynna sér verkið. Sýningarnar verða laugardaginn 26. september og sunnudaginn 27. september og hefjast kl. 14.

  

Leikritið fjallar um strákinn Erp sem neyðist til að taka á móti dóttur vinafólks foreldra sinna inn í herbergið sitt. Helga Soffía er hress og hraðlýgin og kann frá mörgu undarlegu að segja. Erpur á erfitt með að sætta sig við þennan gest sinn, enda snýr hún heimi hans, þar sem hetjur teiknimynda og tölvuleikja eru karlmenn, á hvolf. Með fjörugu ímyndunarafli sínu nær hún að sýna honum að tilveran þarf ekki að vera niðurnjörvuð í fyrirfram ákveðin hólf og kassa. Sögur Helgu Soffíu eru þrjú Grimms-ævintýri byggð á útgáfum Roalds Dahl og fléttast þau inn í leikverkið með tónlist, dansi og söng. Þar birtast Rauðhetta, Öskubuska, prins, úlfar og grísir en Rauðhetta er enginn ráðvilltur sakleysingi sem lætur éta sig mótþróalaust og Öskubuska áttar sig á að hamingjan felst ekki í því einu að vera fótnett og fríð.

 

utikott2

  

Tvö tólf ára börn fara með hlutverk Erps og Helgu Soffíu, þau Fannar Guðni Guðmundsson og Sóley Anna Benónýsdóttir, Ragnheiður Árnadóttir söngkona fer með hlutverk sögumanns, og leikararnir Finnbogi Þorkell Jónsson og Ólöf Hugrún Valdemarsdóttir fara með hlutverk geimskrímsla og ýmsra ævintýrapersóna t. d. Rauðhettu og úlfsins og Öskubusku og prinsins. Benóný Ægisson er höfundur handrits, semur tónlistina og þýðir kvæði Roald Dahl, Kolbrún Anna Björnsdóttir er leikstjóri Sigríður Ásta Árnadóttir gerir búningana en  Kristrún Eyjólfsdóttir leikmyndina .

  

Markmiðið með sýningunni er að skemmta og vekja börn og fullorðna til umhugsunar um birtingarmyndir staðalmynda í umhverfi barnanna. Mikilvægi skapandi og gagnrýninnar hugsunar er seint ofmetið og því brýnt að börnin fái tæki og tól í hendurnar til að takast á við flóðbylgju skilaboða úr umhverfinu. Sýningin er farandsýning og með henni fylgir kennsluefni sem gefur kennurum tækifæri til frekari úrvinnslu á grundvelli leiksýningarinnar. Sýningin gæti m.a. nýst í kennslu í íslensku, lífsleikni, leiklist og tónlist.

  

Miðapantanir eru á lydveldisleikhusid@gmail.com og í boði eru tveir miðar. Taka þarf fram fyrir hvaða stofnun eða félag viðkomandi er fulltrúi fyrir.

  

Nánari upplýsingar um sýninguna eru á vef Lýðveldisleikhússins www.this.is/great  

Handverkskaffi í Gerðubergi

gerdub_handav09

Fyrsta miðvikudagskvöld í mánuði er handverkskaffi í Gerðubergi. Á þessum kvöldum er á kaffihúsi hússins boðið upp á stuttar og skemmtilegar kynningar á ýmiskonar handverki. Markmiðið með handverkskaffi er að bjóða upp á notalega kvöldstund þar sem gestir geta fengið sér kaffi og með því, hlýtt á ýmsan fróðleik, spjallað og unnið handavinnu. Umfjöllunarefnin á kynningum þessara kvölda eru fjölbreytt eins og dagskrá haustsins ber með sér. Fyrsta handverkskaffi haustsins er miðvikudagskvöldið 2. september. Yfirskrift kvöldsins er Flækjur og fínerí – prjónamenning á vefnum. Ragnheiður Eiríksdóttir mun leiða gesti um prjónamenningu á veraldarvefnum, en þar er að finna ótæmandi hugmynda- og upplýsingabrunn fyrir prjónara. Myndir, leiðbeiningar, prjónaspjall, sýnikennsla og uppskriftir eru meðal þess sem þar má finna. Ragnheiður, eða Ragga, er mikil prjónakona, og er annar tveggja höfunda bókarinnar Prjóniprjón og virkur vefnotandi. Kjörorð hennar eru: "Prjón, frelsi, hamingja"

Í október mun Darren Foreman kynna henna húðskreytilist. Henna er tímabundið húðflúr sem á sér aldalanga hefð í austrænni menningu og tengist sérstaklega brúðkaupum. Skreytilistin tengist upprunalega ýmiskonar hátíðarhöldum, sérstaklega brúðkaupum og skreytingu brúðarinnar. Kynningin er hluti af verkefninu Húmor og Amor á vegum menningarstofnanna Reykjavíkurborgar. Í nóvember sýnir Björn Finnsson pappírslistina Origami. Bréfbrot eða origami er ævaforn japönsk listgrein sem felst í að búa til skrautmuni með því einu að brjóta saman pappír. Í desember verður síðan jólastemmning yfir handverkskaffinu en þá mun Guðrún Sigríður Ágústsdóttir búa til nokkrar einfaldar gerðir jólakonfekts fyrir gesti. Sirrý leggur áherslu á skemmtilegar og einfaldar uppskriftir sem henta allri fjölskyldunni.

Handverkskaffið hóf göngu sína haustið 2008 og naut það mikilla vinsælda síðastliðinn vetur.

Handverkskvöldin hefjast kl. 20 og standa til kl. 22, aðgangur er ókeypis.

 

Sjá www.gerduberg.is


Breiðholtsdagar 19.- 25. október.

Undirbúningur er hafinnbreiholtsmyndir_218_20_22_bakkahverfi_m_innku_906907.jpg að Breiðholtsdögum en þeir verða haldnir vikuna 19. - 25. október nk.

Að vanda verður dagskrá fjölbreytt og mun einkennast mest af því að fólk er að kynna sínar hugmyndir og opnum og jákvæðum umræðum.

Stjórn Íbúasamtaka Betra Breiðholts mun hittast á sínum fyrsta haustfundi næstkomandi þriðjudag og leggja á ráðin með hvaða hætti Samtökin geti komið að Breiðholtsdögum.


Næsta síða »

Höfundur

Íbúasamtökin Betra Breiðholt
Íbúasamtökin Betra Breiðholt

Síða þessi er ætluð til að vera samskiptagrundvöllur fyrir alla Breiðholtsbúa.

Stjórn Íbúasamtaka Betra Breiðholts skipa:
Helgi Kristófersson, formaður
Kolbrún Baldursdóttir, varaformaður
Anna Sif Jónsdóttir, ritari
Falasteen Abu Libden, meðstjórnandi
Magnús Gunnarsson, gjaldkeri
Rut Káradóttir, meðstjórnandi
Þorkell Ragnarsson, meðstjórnandi

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband